Share
作者: Morris      發表於2020-08-18

30歲嘅崇岡,每兩個星期都會去醫館覆診。除咗要以輪椅代步,佢嘅視力亦比一般人差。

崇岡當年係因為一場交通意外而早產。當時只得27周半。初時醫生發現佢有心漏問題、小腸氣。

6歲時,佢要做放筋手術,大腿、膝後、小腿。12歲 時,佢一次跌倒令左髖關節脫位。所以一直都要坐輪椅。因為腦部受損,影響佢視力、說話能力。

上次用愛站起來播出時,崇岡睇咗節目,同我講好想去醫館嘗試吓,所以我就帶佢去。

崇岡媽媽:本來我都未同醫師講佢視力問題,但醫師憑佢經驗,判斷佢應該睇唔到嘢。本來我都唔知佢睇唔到,例如有時喺街,我指住個垃圾筒,問佢睇唔睇到,佢話哦,我仲以為佢睇到。都係因為醫師夠細心,發現佢睇唔到嘢,幫佢針灸。


針灸之後好咗,睇到4呎之內嘅嘢。針完,身體靈活咗。